إن غبت جبت وعادتي لاغبت ماأرجع بالهزيل
إن جبت أجيب اللي محد بالشعر قبلي جابهـا
من ذل لو قالوا سلم يبقى بنظرتهم ذليل
ماتستوي القمة تحت رجلين منهو هابها
على سبيل أهل المثل ماني مثل أهـل السبيـل
اللي معاني حضورها تشبه معانـي غيابهـا
تعشقني الفكره بكر واقهر بها الـوزن الثقيـل
اللي بنات أفكارهم مبطـي رميـت حجابهـا
لاالمستحيل يردني ولاابـن عـم المستحيـل
ياما كسرت القاعده واخلفت وجـه اعرابهـا
مهما بلغ كثر العدد يبقى بنظر عينـي قليـل
مايغلبون المحترف قـوم عطـت مضرابهـا
ايه الشجاعه طھط؛ظ„ط¨ الكثره ظˆط§ظ†ط§ ط§ط¹ط·ظٹظƒ الدليـل
الذيـب يـدرع بالغنـم ولايحسـب حسابهـا
لو كل من اسمه جميل من العرب يطلع جميل
كان اكثر اسماء العرب تحمل صفات اصحابها
ماينعم بظل النخيل اللي تحت جـذع النخيـل
الشمس تصقع هامتـه حتـى يحيـن غيابهـا
ولاطولت عمر أدمي قولة عسى عمرك طويل
طول العمار وقصرها رب العباد ادرى بهـا
رح وردها عني وانـا باكبرعواقبهـا كفيـل
ان كانها كذبـه فانـا بيـن العـرب كذابهـا
ان الشجاعه تغلب الكثره وهـذا اكبـر دليـل
الذيـب يـدرع بالغنـم ولايحسـب حسابهـا
خالص التحية ,,,,