ا وزير التربية لك من الـ(تتشر) سـلام
من معلم فكر بصـوت عالـي ثـم قـال
اسمي سعودي واعرف اللوايح والنظـام
وعندي بطاقه وعندي بعد ثـوب وعقـال
"مسلم" آصلي وازكي بعد شهـر الصيـام
واعرف ان الذل يعني لمن مثلي الـزوال
في "رياض العز" في خير والعيشه تمـام
"الرياض" اللي غلاها رسا مثـل الجبـال
"السعوديه" بـلادي وهـي "دار السـلام"
"راية التوحيد" من فوقهـا تـاج الجمـال
حبها صقر(ن) يسمى "الإمام ابن الإمـام"
قال يا عـذرا تعالـي علـى عـز ودلال
قال هيا فوق فوق أجلسي فـوق الغمـام
كنه يقول الفضا خد وانتـي حـب خـال
حُر عقّب له حرار(ن) تضيم وما تضـام
ذكرهم تاريخ والفعل شي اسمـه خيـال
فوق " 100عام" والدار عام(ن) بعد عـام
تلبس ثيـاب التطـور وتنعـم بالظـلال
في ذرى "بو متعب" اللي عيونـه ماتنـام
"خادم البيتين" في الدين مايقبـل فصـال
الوطن والشعب عنده سنـام(ن) للسنـام
مايبي في "الدين والشعب والديرة" جـدال
ينصر المظلوم لامن وصل عنـده وقـام
"ابشر ابشر" ذا جوابه قبل طرح السـؤال
مايفرق بيـن شعبـه ولا فيـه انقسـام
"شرق ولا غرب ولا جنوبـي أو شمـال"
يا ظˆط²ظٹظ€ط± ط§ظ„طھط±ط¨ظٹظ€ط© بعـد هـذا الإلتحـام
ليش مركزنا به اقـزام وقصـار وطـوال
يـا وزيـر التربيـة والله انـك ماتـلام
"نحسبك والله حسيبك" من اشراف الرجال
يمكن ان الصوت دونه حواجز في الظلام
زايد ان الضغط شوش علينـا "الاتصـال"
ماكل لساني لو الجـوع يجعلنـي عـدام
رغم إنه في فمي وامضغه طـول الليـال
الله اللـي خصنـا بالعقـل قبـل الكـلام
والملك قال الحوار امر مطلـوب وحـلال
ماني "ارهابي" ولا عشـت اروج للحـرام
أعرف اسباب الحرام واتقي رب الجـلال
ودي اوقف دام لي مثل هالعالـم "عظـام"
قبل لا "الموت" يتقـدم ويعلـن الاحتـلال
ودي آشوف الفضا كلـه طيـور وحمـام
تجتمع في سرب واحد وتسبـح باعتـدال
مشكلتنا ان "الألف" لا جلس في حظن "لام"
قام "حرف الواو" يطوي على رجله حبـال
مشكلة شخصية "اهل الكراسي" الانفصـام
بين "تطبيـق المبـادئ" ونزعـة "آل آل"
لو نصوم الدهر ونحج ونصلـي القيـام
ننثني قـدام "تمـر المعـارف والـدلال"
كيف نبني شي اصلاً وحنـا مـن حطـام
كيف نقرا ما مسحنا على سمـع العيـال
يا وزيـر التربيـة لـك ط¯ظˆط§ظ… ظˆظ„ظ€ظٹ دوام
و"الدوام لوجه ربي" وغيره لا .. محـال
كان صوتي ما وصل لك فعلمنـي قـوام
"أقطع لساني" واسوي لها حفـل اعتـزال
صح لسان شاعرها / ووصلتني ملاحظة جوال …. ولكن
صح لسانه بليوووووووووووووووون