السلام عليكم ورحمة الله وبركاته
يا أخوان ط§ظ„ط¥ططھظٹط§ط¬ ما تشوفون أنه قليل مره
و خصوصا العوق السمعي على مستوى المملكة بالثلاث مراحل بس 10 معلمين بس
اللغة العربية 5 معلمين والرياضيات 5 معلمين ماهو معقول الإحتياج ذا
ما ادري ما شلفو خريطة المملكة العربية السعودية وألا شكلهم غلطو ويحسبونها البحرين
مع احترامي لدولة البحرين الشقيقه….
ما أدري الوزارة عليها تصرفات غريبه ما تنفهم مع أنهم أمس اتصلو على الشباب
الي ما اجتازوا اختبار قياس في تخصص العوق السمعي وقالو لهم تعالو فرع الوزارة فالرياض
علشان المقابلة الشخصية والإختبار بنتجاوز عنه لأن الإحتياج لكم كبير وحنا محتاجينكم السنه هذي
لو فيه أحد فاهم أتمنى يفهمني
يتجاوزون عنهم الإختبار وينزلون الإحتياج 10 معلمين بس على مستوى المملكة
ولا ننسى أنهم الغو عقود المعلمين الأجانب في التربية الخاصة وخصوصا العوق السمعي طيب مقاعدهم وين راحت والمعلمين الي نقلو في حركة الإحتياج مين يسد مكانهم والله شئ عجيب غريب
أتمنى لو أحد فاهم يفهمني
أخوكم
بكالوريوس تربية خاصة مسار عوق سمعي بمعدل 4.6