بسم الله الرحمن الرحيم
مغترب مرتين
يريدون كلمة شكر واحده ولم نسمع منهم كلمة عزاء واحده – عندما تأتي ليلة السبت وعصر الجمعه تقلب النفسيه 180 درجه مدري ليه سر في كل الناس – اشد البطانيات بما انا في الشتاء الان واربط الفراش
وحطها في شنطة السياره وراي مشوار – المهم مسافه الطريق خمس ساعات لين نوصل يعني مانتهى المشوار بكره ورانا مشوار – وصلنا للمنطقة التعليميه ويادوب طلع ملابسك من المغسله وحاول تغصب نفسك وتنام الدوام بدري 120 كلم سفر ثاني – صحينا قبل الفجر و وطلعنا من البيت متوضين بنصلي في الطريق وعلى الطلعه من البيت لا جارنا توه بيذن شايب الله يجزاه خير توه طالع من البيت بيروح للمسجد المهم مشينا واذا فيه احد بيخاوينا كلمناه ورمى سيارته على اقرب مفرق وطلع معانا – وعلى هالحال كل يوم مره نوصل ونوقع قبل الخط ومره المدير نفسه شينه ومقفل قبل الدوام بدقيقتين وحنا نازلين من السياره وش أخرنا جمل قاطع الخط وقف ولا يبي يترك الازفلت حس انه ناعم على خفينه من الارض وقعد يقطع الطريق رايح جاي – وسيارتنا مو مضلله اقصد مو مثل المعلمات تركب في السياره ولا تدري وش قدامها والسواق مغيم السياره وهي مسكينه ماتدري عن هالسواق يمكن ينام ويتفاجئن بحادث الله يكون في عونهن – المهم مديرنا ابن حلال مايطلعنا الا الساعه وحده ونص الظهر يوم نوصل للبيوت شوي وياذن العصر – كل يوم حادث – على نفس هالطريق وياما وفيات – محد طلع من الي يبون كلمة شكر واحده وقال كلمة عزاء واحده 0 وبعد كل هذا لا ماجانا شي حق مشروع وواضح وصدر فيه امر ملكي – راحو لارشيفهم المغبر وطلعو ماده تنص التعديل لاقرب راتب – ياعمي وش تقول هذا اذا كانت ترقيه قربني لاقرب راتب وتعلم اول شي تقريب العدد لاقرب عشره لان المساأله ماتتعدى العشرات – اليس من يلقى حتفه يوميا في جميع ارجاء بلادنا الحبيبه شهيد واجب او شهيده واجب – ما الذي اخرجهم من بيوت اهاليهم اولا واخرجهم من مساكنهم ثانيا اليس الواجب
غربتنا مرتين وحقوقنا دين في ارقاب من تحملوا هذه المسؤوليه العظيمه
كلكم راع وكلكم مسؤول عن رعيته،