بسم الله الرحمن الرحيم
الأخوان الأعزاء ,,,,,, لاحظت إنه كل ما كتب أحد موضوع بهذا المنتدى كانت أغلب الردود خارجه عن موضوع الكتابة وجارحه في نفس الوقت حتى أن أغلب الكتاب يقولون في مواضيعهم ( أرجو عدم التجريح ) لأنه يعرف إنه راح يتعرض لكلمه كذا ولا كذا بمعنى يظهر أحدهم ويقول صحح الأخطاء الإملائية في موضوعك والله حرام إنك معلم ,, ويأتي آخر ويقول للأسف طريقتك في السرد عقيمه وآخر يقول أنصحك بعدم الكتابه في المنتدى وآخر يقول العنوان وين وأنت وين يا ….. المهم حاولوا ترتقون بأنفسكم وتجعلون هذا المنتدى يرفع الرأس لأنه فيه ناس قاعدين يشوفون اللي نكتبه وهم خارج التعليم وألتمسوا الأعذار لبعض يعني ( ضعيف في الإملاء …. يمكن قوي في مجال آخر ) ( العنوان مختلف ,,, يمكن يبغى يلفت الإنتباه .. حركات جرايد ) ( طريقته في السرد عقيمه .. الرجل ليس روائي أو قاص ) ( جاب نكته … يمكن يبي يوسع صدوركم ) ( خبر بدون مصدر … يمكن يبي يبشركم ويفرحكم ) ( لغز أو سؤال … يمكن يبي يغير جوكم ) ( كلام غير منطقي … الرجل مضغوط نفسيا ) ( سؤال عن شي واضح جدا مثل وش دفعتي ؟ … الرجل ما أنتبه تحصل ) وهكذا ,,,, وهذا لايعني عدم وجود ردود رائعه من أعضاء رائعين وواعين فعلا ,و وختاما إلتمس العذر لأخيك في موضوعه وأبعدوا عن الردود ( السيئه ) التي ستشاهدونها أسفل الموضوع وفي صفحات متعدده حتى ولو للعناد فقط دمتم بأتم صحة وعافيه